Ginpatpat sang secretary general sang United Negros Drivers and Operators Center (UNDOC) ang ila mga hingyo sa Bacolod City Government sa karun nga sila ang ginhatagan sang ligwa nga makabyahe tubtob Disyembre 31 paagi sa special permit.
Sa interview sang Bombo Radyo kay Diego Malacad, dapat icomply sang mga drivers kag operators ang tanan nga requirements sang Land Transportation Franchising and Regulatory Board (LTFRB) agud majustify kun ngaa sila ang padayon nga nagabyahe.
Suno diri, may yara sang special permit nga ginprovide kag may yara sang proseso.
Suno kay Malacad, magaayo sila may Mayor Alfredo Benitez nga padalion ang pagtukod sang technical working committee sa ciudad.
Magluwas diri, sila ang nagahingyo man nga makapadayon sa pagbyahe bangud sa 3,887 units nga nagreduce sa 2,995, 487 ang nagabyahe kag may yara sang margin nga masobra 1,000.
Luyag man nila ipadangat nga kuntani untaton ang byahe sang traditional jeepneys nga ginapanag-iyahan sang modernized jeep; makabutang na sang opisina sang LTFRB sa ciudad; kag isuspend anay ang penalidad humalin Marso sa mga drivers kag operators nga wala nakacomply.
Suno sa iya, kun pwede man lang maistoryahan, indi na kinahanglan pa nga rally-han.
Suno kay Malacad, sila ang raliyesta gid humalin sang una apang ginabutang sang mga ini sa insakto nga proseso agud indi mabutang sa alang-alang ang mga estudyante kag mamumugon.
Dugang pa dini nga dapat makigbahin sa awayan sa dalan basta wala lamang sang terroristic nga mga aktibidad batok sa administrasyon kag ang adbokasiya ang para sa mga pumuluyo kag mga ulihing tubo.
