Lauman ang panibag-o nga rollback sa presyo sang produktong petrolyo sa masunod nga semana.
Suno kay Energy Oil Industry Management Bureau Rino Abad, ginalauman nga makaangkon sang rollback nga masobra P1 kada litro sang gasolina samtang P0.50 sa kada litro sang diesel.
Sa kerosene, ginalauman nga pagabuhinan sang P0.80 ang kada litro sini.
Ini ang santo pa lamang sa international petroleum trading sa nakaligad nga apat ka adlaw kag posible pa nga magbag-o santo sa trading subong nga adlaw sang Biyernes.
Ginaangot sa gihapon ang pagnubo sang presyo sang gatong sa padayon nga ginapatuman nga ceasefire sa tunga sang Israel kag Iran.
Ginalauman nga igaanunsyar sang kumpaniya sang langis ang opisyal nga presyo sa Lunes kag mangin epektibo sa Martes, Hulyo 8.
