Pito ka bulan nga lapsag patay matapos malumos sa balde nga may tubig

Wala na masalbar ang pito ka bulan nga lalaki nga lapsag nga nalumos sa balde nga may tubig sa Brgy Sum-ag, Bacolod City.

Suno kay Denia Aranico, samtang nagabyahe sa ambulance padulong sa evacuation center nalabyan nila ang isa ka iloy nga nagapangayo sang bulig matapos malumos sa balde ang bata sini.

Ila ginkuha ang bata kag gintinguhaan nga buligan apang samtang nagabyahe napatay ang makina sang salakyan kag amo man nga ginbawian sang kabuhi ang lapsag.

Nahibaluan nga nagakatulog sa katre ang iloy apang nagkamang ang bata kag nadadag deretso sa balde nga may tubig.