Pito tanan ka mga Negrense ang nakasulod sa top 10 sang 2023 Licensure Examination for Teachers.
Nakapasar para sa Elementary Level sanday Theresa Marie Enarle Cena sang Silliman University sa rank 3, nga tumandok sang Silay City kag graduate sang Silliman University sa Dumaguete City nga nakakuha sang 94 percent rating; Hannah Mae Pama Caguete sang University of Negros Occidental-Recoletos sa rank 6 sa 93.40 percent rating; Sheila Marie Delgado sang West Visayas State University- Himamaylan kag Junalene Abellana Mecedilla sang Negros Oriental State University- Guihulngan City sa rank 7 sa 93.20 percent rating; Jeriel Grace Moyani Mabulay sang West Visayas State University- Himamaylan sa rank 9 sa 92.80 percent rating kag Dindo Pama Española Jr. sang Carlos Hilado Memorial State University- Talisay City sa rank 10 sa 92.60 percent rating.
Para naman sa Secondary Level, sulod sa rank 10 si Donnabelle Tubal Fernandez sang Bago City College sa 92.80 percent rating kun sa diin si Fernandez ang nangin pinakauna nga nakasulod sa top 10 sang Licensure Examinations for Professional Teachers para sa Bago City College.
Sa kabug-usan, 23,782 ukon 47.01 percent ang nakapasar sa Elemetary level gikan sa 50,593 examinees kag 53,995 ukon 56.26% naman ang nakapasar sa Secondary level gikan sa 95,969 examinees.
Sa 23,782 ka mga elementary teacher passers, 16,716 diri ang first timers kag 7,066 ang repeaters.
Para naman sa secondary teachers, 39,979 passers ang first timers kag 14,016 ang repeaters.
