Pito ka mga tricycle kag duha ka motorsiklo ang aksidente nga naatrasan sang isa ka 10-wheeler truck sa banwa sang Don Salvador Benedicto matapos nga ini ang madulaan sang prino.
Ang driver sang ten wheeler truck ang ginkilala nga si Gino Buenaflor, 36 anyos kag residente sang Purok Bagacay, Barangay Igmaya-an, sa banwa sang Don Salvador Benedicto.
Suno kay PLt Everly Canto, deputy chief sang Salvador Benedicto Municipal Police Station, ang lugar ang nahibaluan nga ginaparkingan sang mga motorsiklo samtang nagahulat sang mga pasahero kag diri man ang masami nga gina-isulan sang mga salakyan.
Apang sang ginpa-atras ni Buenaflor ang iya nga truck, nabungguan sini ang mga nakaparking nga tricycle kag motorsiklo.
Wala sang injured ukon pilason sa natabo nga insidente apang may ara lang sang kahalitan sa mga tricyle kag motorsiklo.
Sa karun, nakahunong sa kustodiya sang Salvador Benedicto Municipal Police Station ang driver.
