Napilitan nga mag-evacuate ang mga pumuluyo sa ila mga puluy-an bangud sa makamamatay nga wildfires sa Portugal.
Nagdangat na sa indi magnubo pito ka mga persona ang nagkalamatay humalin sang weekend.
Sa lista sang civil protection authorities, may yara sang 42 ka mga active fires sa website kag ginpahayag nga sila ang nagmobilize sang kapin 3,900 ka mga bombero kag masobra 1,000 ka mga salakyan.
Sa banwa sang Gondomar, sagwa lamang sang Porto, ang mga otoridad ang nagpatigayon sang dugang nga evacuations sang Martes sang gab-i.
Suno sa mga bombero nga nagapakigbato sa kalayo sa Arouca sa Aveiro region, “uncontrollable” ang sitwasyon sa area.
Kapin 20,000 hectares ukon 49,400 acres sang mga pananom ang nasunog sa rehiyon, sa sur nga bahin sang Porto, humalin sang Lunes, suno sa European Forest Fire Information System (Effis).
Kabug-usan nga 15 ka separado nga kalayo ang naglabay sa 1,000 hectare threshold humalin sang nagsugod ang kalayo sang weekened.
