Pito sa napulo ka mga Filipino ang nagpahayag nga mas luyag nila botohon ang mga kandidato nga naga-advocate batok sa corruption.
Nagpatigayon sang survey ang Social Weather Stations sang Pebrero 15 tubtob 19, pila ka adlaw matapos nagsugod ang official campaign period sa bilog nga pungsod.
Namangkot ang pollster sa 1,800 ka mga respondents sa bilog nga pungsod kag may yara sang 2 percent margin of error.
Santo sa resulta, 70 percent sang mga Filipino ang nagapabor sa pagboto sang isa ka kandidato nga naga-advocate sang paghukas sang graft and corruption sa gobyerno.
Suno kay Dindo Manhit, presidente sang Stratbase Consultancy, ang firm nga nagsponsor sang survey, ang corruption ang adlaw-adlaw nga palas-anon sang mga Filipino kag dapat suportahan ang mga kandidato nga hugot nga nagapamatok diri.
