Gin-athag sang regional director sang Land Transportation Office-Negros Island Region nga bisan expired ang rehistro sang salakyan mahatagan sagihapon sang plaka ang tag-iya.
Sa interview sang Bombo Radyo Bacolod kay Land Transportation Office- Negros Island Region Regional Director Jeck Cunlo, expire man ukon indi ang rehistro sang salakyan mahatag saguihapon sang plaka ang Land Transportation Office.
Apang suno kay Conlu sa tion nga mabaton na ang plaka dapat nga i-renew gid ang rehistro sang motorsiklo ukon sang salakyan.
Suno diri dakpon sang team sang LTO ang mga ginparahan nga may plaka apang expired ang rehistro sang ginadala nga salakyan ukon motorsiklo.
Nagadoble effort man ang team sang LTO sa paghatag sang plaka kun sa diin ginasulod na sang mga ini ang mga Barangay kag malagyo nga bahin sang Negros Island Region agud nga mahatag ang plaka.
Suno kay Conlu, indi magkahadlok nga magpalapit sa mga nagapanghatag sang plaka nga nagpadulong sa tagsa ka mga Barangay.
Dugang pa sini nga obligasyon man sang Casa nga kuhaan sang plaka ang mga ginabaligya nga motorsiklo ukon salakyan.
Samtang ang LTO ang naga-issue man sang certificate nga “NO PLATE AVAILABLE” kun indi pa available ang plaka.
