Ginrekomendar sang Senate Impeachment Court nga ipadayun na lamang ang impeachment trial sa Oktubre 5 bangod sa kakulangan sang testigo.
Nag-apelar naman ang prosekusyon nga ipadayun ang trial kag ipresentar ang testigo gikan sa Anti-Money Laundering Council (AMLC).
Nauna nga naghingyo ang defense team sang dugang nga oras agud matun-an ang mga dokumento nga isumiter sang AMLC.
Lahog pa ni Trial Presiding Officer Sen. Francis “Chiz” Escudero nga ini ang bawi na lamang sa indi nila pagselebrar sang Kainang Pamilya Mahalaga Day sang Lunes, bangod sa pagtutok sa trial.
Nahibaluan nga sa panugod pa lamang sang trial, ginpanugyan na ni Escudero sa prosecution team nga magpreparar sang mas madamo nga witnesses.
Ini bangod duha kuntani ka whole-day ang pagpatigayon sang marathon trial humalin subong nga Huwebes tubtob sa Biyernes.
Ginapakamaayo kuntani sini nga mas madamo sang maline-up nga witnesses sangsa kulangon ang prosekusyon, kag mapilitan nga temprano nga i-adjourn ang trial.
Sa baylo, kasunod sang pagwithdraw kay former senator Antonio “Sonny” Trillanes IV bilang testigo, duha lamang ka testigo ang napresentar kag wala na nadugangan pa.
Ang 10 ka minuto nga recess sang hapon ang nalawigan man antes nagbalik ang mga Senator-judges kag nadesisyonan nga padayunon nalang sa Lunes ang trial.
