WASHINGTON – Ginreject sang Pentagon ang plano nga pagpadala sang fighter jets sa Kyiv gikan sa Poland agud nga magbulig sa pagpakig-away sa Russian forces bangod ini ang may tuman ka dako nga risgo.
Ini ang kaangay naman nga pagdismiss sa hingyo sang Ukraine nga dugang nga firepower sa kahawaan.
Pahayag sang Estados Unidos nga ginatun-an nila ang scheme bangod mahimo nga ma-interpretar ini sang Kremlin nga military escalation.
Ini ang nagapamatuod naman nga may-ara sa karun sang crack sa anay solido nga alyansa sa tunga sang Washington kag European allies maykaangtanan sa Moscow invasion.
Suno kay Pentagon spokesman John Kirby, nagsugilanon na si US Defense Secretary Lloyd Austin kay Defense Minister Mariusz Blaszczak sang Poland kun sa diin iya ini nga ginpasalamatan sa pagkooperar sang Warsaw sa effort nga pagbulig sa Ukraine.
Apang gin-athag ni Austin nga wala nila ginasuportahan ang pagtransfer sang adisyunal nga fighter aircraft sa Ukrainian Airforce sa karun.
Ang Warsaw ang nagpahayag na sang pagsuporta sa plano nga pagpadala sang Poland sang Soviet-era nga MiG-29s sa Kyiv pinaagi sa US Air Base sa Ramstein, Germany kadungan sa follow-up step nga ang Estados Unidos ang magabaylo sa fleet sang Poland sang American F-16 fighter jets.
Suno kay Kirby, ang pagdugang sang aircraft sa fighter fleet sang Ukraine ang wala man sang mahimo nga dako nga pagbag-o sa pagka-epektibo sang Ukrainian Airforce batok sa ikasarang sang Russians.
Suno kay Kirby, nagpaandam na ang intelligence agencies nga ang MiG transfer sa Ukraine ang mahimo nga masal-an nga pagpasanyog sang pwersa sang NATO alliances, gani ini ang mahimo nga magresulta sa pagpatigayon man sang militray escalation sang Russia.
