Positibo naman ang paglantaw sang chief executive officer sang Metro Bacolod Chamber of Commerce and Industry, Inc. (MBCCI) sa plano sang Bacolod Traffic Authority Office nga magpabutang sang parking area sang ciudad agud nga masolusyunan ang trapiko.
Sa interview sang Bombo Radyo kay Frank Carbon, dako indi nga bulig sa ciudad kun madayon ang ginplano ni BTAO Head Patrick Leonard Lacson nga magpabutang sang parking space sa ciudad paagi sa third party kag magabayad ang tag-iya sang salakyan sang parking fee.
Suno kay Carbon, madamo man ang mabuligan agud nga makatrabaho bangud kinahanglan sang may bantay sang parking area.
Suno diri, ang makolekta nga parking fee dako man ini nga bulig para sa ekonomiya sang ciudad.
Samtang, ginpahayag man sini nga dako man ang nabulig sang clamping and towing bangud ang mga may salakyan ang nagapangita na sang mahimo maparkingan gani matalunsay nalang ang pagbiyahe sang mga motorista.
Bangud sini madamo man ang nagagwa kag magabakal kag maglagaw bangud indi tuman ang traffic.
