Ginkumpirmar ni former SRA administrator Rafael Coscolluela sa Bombo Radyo nga magahingyo si planters representative Aurelio Gerardo Valderama kay President Bongbong Marcos nga amo man ang DA secretary nga tapuson ang imbestigasyon angot sa Sugar Order No. 4 agud mahibaluan ang kamatuoran.
Suno kay Coscolluela, ginpahayag ni SRA Administrator Hermenegildo Serafica sa mga planters nga personal niya nga gindul-ong kay DA Undersecretary Leocadio Sebastian ang Sugar Order No. 4 kun sa diin iya nakit-an nga ginpirmahan ini ni Sebastian sa ibabaw sang ngalan ni DA Secretary President Bongbong Marcos.
Suno kay Serafica, ang pagpirma ni Sebastian sa sugar order ang ginkabig niya nga in good faith bangud indi man sini makwestyon ang otoridad sang DA official.
Makaluluoy naman ang duha ka bag-uhanon nga miyembro sang SRA Board nga bag-o lang nagpungko apang nagtuhaw na ang kaangay nga kontrobersiya.
Aware si Coscolluela nga magapaathag si Mr. Aurelio Gerardo Valderama kay Marcos bilang planters representative kun ngaa ginpirmahan niya ang sugar order.
Magaayo si Valderama kay Marcos nga tapuson ang imbestigasyon kag ipasiguro nga may yara sang fair investigation nga magaresulta sa possible conclusion nga ang tatlo ka SRA Board members lakip na si Serafica ang naghimo sang ila obligasyon santo sa direktiba in good faith kag santo sa husto nga procedure kag konsultasyon.
Mangabay man si Valderama nga tapuson ang imbestigasyon kag indi pag-iwhitewash agud nga maclear ang iya ngalan bangud una pa lang nga sugar order ang may negatibo nga resulta.
