Nagapanindugan si Sugar Regulatory Administration (SRA) Planters Representative Aurelio Gerardo Valderrama Jr. nga indi ini magresign kag ang paghalin sini sa pwesto ang magadepende sa mandato sang Presidente.
Suno kay Valderama, nagapdala ini sang sulat kay President Ferdinand “Bongbong” Marcos Jr. nga naga-eksplekar tuhoy sa Sugar Order No. 4 kag nagpahayag nga kun nadula na ang pagsalig kag confidence sang Presidente sa iya, yara na diri ang desisyon kun siya ang pahalinon bangud ini man ang nag-appoint sa iya.
Gindepensahan man sini ang Sugar Order No. 4 bangud kun lantawon ang mga nakabutang sa “whereas” nga bahin, ini ang premise nga dapat maaprubahan gid man ang nasambit nga mando gani nakibot na lamang ini nga nagwa sa balita nga ilegal ang Sugar Order No. 4.
Suno sa iya, ang official figures man nagikan sa SRA ang ila ginabasehan kun ngaa nagcome-up ang mga ini sa 300,000 metric tons.
Ginbaton naman sini ang titulo nga “last man standing” kag ginakasabo ang pagresign sang iya mga kaupdanan.
Nagapanindugan si Valderama nga wala siya sang may ginaubra nga malain gani indi ini maghalin sa pwesto.
Nagapanawagan man ini sang madasig kag patas nga imbestigasyon agud matinluan ang pangalan sang mga nangin tampad sa serbisyo kag nagcomply sa ila mga mandato.
Nagalaom man ini nga iconvene ni President Marcos Jr. ang sugar board sa madasig nga tinion agud madesisyunan ang mga tikang agud ma-address ang krisis sa kalamay.
