Plete sa fastcraft, nagsaka sang P70 bangod sa pagsaka sang presyo sang krudo

Nagsaka na kahapon sa P70 per accomodation ang plete sa Weesam Express kasunod sa nagapadayon nga pagsaka sang presyo sang produktong petrolyo.

Sa interview sang Bombo Radyo kay Frank Carbon, Chief Executive Officer sang Metro Bacolod Chamber of Commerce and Industry, P740 ang plete sa first class regulatang samtang P620 naman ang tourist class regular.

Suno kay Carbon, may ara man sang pila ka mga pagbag-o sang byahe kun sa diin ang Lunes lang ang may apat ka biyahe kag halin Martes tubtob sa Dominggo may ara nalang sang tatlo ka biyahe.

Pahayag sini nga ini nga tikang ang ginahimo agud nga makakikinot sa krudo kag makabulig sa mga pasahero nga indi mauntat ang ila negosyo.