Ginpahayag sang Office of the Ombudsman nga target sini nga i-file subong nga semana ang kaso nga plunder batok kay Senator Jinggoy Estrada may kaangtanan sa maanomaliya nga flood control projects.
Suno kay Ombudsman Jesus Crispin Remulla, pirmahan niya ang information batok sa senador antes isumiter sa Sandiganbayan, nga ginalauman ma-file sa Huwebes.
Magluwas sa plunder, kalakip man ang iban pa nga kaso angot sa nasambit nga isyu.
Ginpaathag ni Remulla nga na-delay ang pagpasaka sang kaso bangud kinahanglan pa nga kay-uhon ang resolusyon agud mas mangin mabakod ang i-file nga impormasyon.
Samtang, hugot naman nga ginpanginwala ni Estrada ang mga alegasyon kag ginpanindugan sang iya nga kampo nga wala sang ebidensya nga nagaangot sa iya natuhoy sa mga kickbacks.
