Nagfile na ang Office of the Ombudsman sang mga kaso nga plunder kag graft batok kay Senator Jinggoy Estrada kag anay Department of Public Works and Highways (DPWH) Secretary Manuel Bonoan sa Sandiganbayan kahapon, Mayo 28.
Ini kasunod sang rekomendasyon sang Department of Justice (DOJ) Special Prosecution Service sang Mayo 18 nga kasuhan si Estrada sang plunder, graft, kag bribery, kaupod ang iban pa nga opisyal sang DPWH.
Ang mga kaso ang may kaangtanan sa ginaalegar maanomaliya nga flood control projects sang gobyerno.
Madumduman nga ginbuyagyag ni anay DPWH Bulacan assistant district engineer Brice Hernandez nga imbolbado si Estrada sa flood control scandal.
Suno kay Hernandez, ginaalegar nakabaton ang senador sang 30 percent kickback naggikan sa P355-milyon nga balor sang flood control projects.
Ini na ang ikatatlo nga plunder case ni Estrada, una ang jueteng scandal sang 2001 kag PDAF scam sang 2014 sa diin siya ang na-acquit.
