PNP checkpoints kadungan sang pag-umpisa sang election period subong nga adlaw, naplastar na

Nag-umpisa na sa pagconduct sang checkpoints kag pag-implementar sang gun ban subong nga adlaw Enero 12.

Nagpatigayon sang launching activity ang Bacolod City Police Office (BCPO) kaina alas-8:00 sang aga sa Banago Road, Bata Flyover.

Ang activity ang ginpangunahan ni BCPO City Director PCol Joeresty Coronica kun sa diin siya mismo ang nag-inspect sa mga strategically installed checkpoints.

Ang event ang gintambongan man sang Bacolod COMELEC Office, PRO6 team of inspectors kag miyembro sang Philippine Army.

Ang checkpoints ang vital para sa strikto nga pagbantay sa COMELEC Gun Ban, agud malikawan ang election-related violence, masunod ang layi kag mapabilin ang kalinong sa pagpatigayon sang election period.