Ginpasalig sang deputy chief for operations sang Philippine National Police na nakahanda ang ila hanay sa posibilidad sang kinagamo subong nga wala na sang ceasefire.
Madumduman nga ginpahayag sang damlag lang ni Presidente Rodrigo Duterte nga indi na ini magdeklarar sang ceasefire batok sa New People’s Army tubtob matapos ang iya nga termino.
Sa interview sang Bombo Radyo Bacolod kay Lt. Gen. Cesar Hawthorne Binag, ginpahayag sini nga naka-alerto ang kapulisan sa karon matapos nga ginmanduan sang higher command sang PNP ang mga police personnel sininag nga mangin alerto kag vigilante ilabi na sa mga police stations nga madamo sang presensya sang NPA.
Liwat naman sini nga gin-engganyo ang mga miyembro sang makawala nga grupo nga magbalik sa sabak sang gobyerno.
Samtang, ginpasiguro naman ni Binag nga magapangatubang sang kaso kag madismiss sa serbisyo ang pulis nga maga-indiscriminate firing sini nga holiday season.
Suno sa iya, masobra 16 mil na ka mga police personnel ang na-penalize sang indiscriminate firing kun sa diin masobra 14 mil ang nadismiss na.
Nahibaluan nga nangin dinapit nga bisita si Binag sa ginpatigayon nga blessing sa St. Michael the Archangel chappel sang Negros Occidental Police Provincial Office (NOCPPO) nga ginpa-renovate sang Talisay City government.
