Ginmando ni Philippine National Police (PNP) Chief Gen. Rommel Francisco Marbil ang gilayon nga dismissal sang duha ka mga police officers nga gin-alegar nag-moonlighting bilang bodyguards ni Davao City 1st District Rep. Paolo Duterte.
Ginmando man ni Marbil ang pagrelieve sang mga commanders nga responsable sa deployment sang mga ini.
Ang mando ang kasunod sang ginpasaka nga reklamo sang Mayo 2 sang businessman nga si Kristone John Patria, nga nag-akusar kay Duterte sang physical assault kag attempted stabbing sa tion sang pagbinaisay sa Hearsay Gastropub sa Obrero, Manila.
Suno kay Patria, ang insidente ang nag-ugat sa kinagamo nga may kaangtanan sa payment arrangement sa anum ka mga babayi nga gin-alegar gindala sa private gathering sa request ni Duterte kag sang businessman nga si Charlie Tan.
