Nakahanda na ang Philippine National Police-Criminal Investigation and Detection Group (PNP-CIDG) nga ipatuman ang warrant of arrest batok kay Senator Rodante Marcoleta, pananglitan magpagwa na ang Sandiganbayan.
Suno sa PNP, may mga protocol na sila para sa posible nga pag-aresto sa senador.
Ginpahayag ni PNP Public Information Office Chief Col. Allen Rae Co nga kun yara sa sulod sang Senado si Marcoleta sa oras nga iserbe na ang warrant, sila ang magapakig-angot anay sa pamunuan sang Senado.
Nauna na nga nag-file sang kaso nga plunder ang Office of the Ombudsman batok kay Marcoleta sa Sandiganbayan.
Ini may kaangtanan sa kapaslawan nga pagdeklarar sang P75 million campaign contributions sa iya nga Statement of Campaign Expenditures sang 2025 senatorial elections.
Pagadal-on naman si Marcoleta sa Camp Crame kun maaresto, para sa booking procedures kaangay sang fingerprinting, medical examination, kag pagkuha sang mug shots.
Pagkatapos sini, magaatubang ang senador sa Sandiganbayan para sa ”Return of the Warrant.”
