Padayon pa nga ginaverify sang Commission on Elections ang listahan sang “Potential Election Areas of Concern” nga ginpasa sang Philippine National Police (PNP).
Paathag ni PNP Spokesperson Police Colonel Jean Fajardo nga ang pila ka mga parameter nga ginakonsiderar sa pagtumod sa mga areas of concern sa maabot nga piniliay amo ang mga validated election-related incidents kag ang intense political rivalry sa pila ka mga lugar kag ang presensya sang pribado nga armado nga grupo.
Nagpamalibad naman ang PNP official nga magpagwa sang numero kag kun sa diin nga mga lugar bangud sa posible nga implikasyon sini sa ila pagtumod sa posible nga areas of concern.
Ginpahayag man ni Police Col. Fajardo nga ang tinutuyo sa pagtumod sa mga areas of concern agud nga mat mod kun pila ka mga kapulisan ang ideploy sa nasambit nga mga lugar kasubong man pila ka mga lugar ang ipaidalom sa Comelec control.
