Nagpanindugan ang Philippine National Police nga ang presensya sang kapulisan sa mga dalanon, nga ginreinforce sang modern surveillance technologies kaangay sang CCTV cameras kag drones ang nagapabilin nga crucial agud mapatigayon ang pagpabilin sang kalinong kag epektibo nga pagmintinar sang katawhay sa palibot.
Suno kay Presidential Communications Undersecretary and Palace Officer Claire Castro, nakalab-ot na kay PNP Chief General Nicholas Torre III ang pahayag ni Vice President Sara Duterte nga dumaan na ang police visibility strategy sang kapulisan.
Ginquote sini ang pahayag ni Torre kag gin-emphasize nga ang isa ka in-person police presence ang nagapabilin nga essential sa pagsiguro nga kaluwasan sang komunidad ilabi na sa public spaces.
Gin-athag man sini nga ang mga modern nga teknolohiya kaangay sang drones kag CCTVs ang madugay naman nga ginagamit sa mga operasyon sang PNP.
Gin-imbita man ni Torre ang bise-presidente nga bisitahon sila agud ipakita kun ano ka importante ang deployment sang kapulisan sa mga key areas sa ila quick response team.
