Bangud sa report nga yara na lamang sa 25 ka adlaw ang maiguan sang suplay sang Liquified Petroleum Gas (LPG) sa pungsod, mas ginpabaskog sang Philippine National Police (PNP) ang pagmonitor sang baligyaanay sini sa merkado.// Kaupod sang kapulisan sa tikang nga ini ang Department of Energy (DOE) kag Department of Trade and Industry (DTI) agud masiguro nga wala sang negosyante nga gapang-abuso sa tion sang krisis.
Ginkumpirmar ni Energy Secretary Sharon Garin nga nagaeksperyensya na sang kakulangan sa suplay sang nasambit nga produkto ang Pilipinas.
Bilang sabat sa sitwasyon, ginpahayag ni PNP Spokesperson, Police Brigadier General Randulf Tuaño nga nagpanaog sang athag nga direktiba si PNP Chief, Police General Jose Melencio Nartatez Jr.
Nagtukod man ang PNP sang Market Watchdog agud masiguro ang seguridad sa mga baligyaan.
Katungdanan sang mga gin-appoint nga personnel ang magkuha sang husto nga impormasyon sa ground level natuhoy sa hulag sang pagbaligyaanay kag presyo sang LPG.
Ang makolekta nga datos ang direkta nga isumiter sa DTI kag DOE, antes pormal nga isumier sa opisina sang presidente.
