Ginakabig ni Senate President Francis “Chiz” Escudero nga makahuluya nga wala pa naaresto sang Philippine National Police (PNP) and the law enforcement agencies si suspended Bamban, Tarlac Mayor Alice Guo.
Suno kay Escudero, makahuluya nga indi ini mahimo sang PNP ilabi na nga suno sa Bureau of Immigration, yara pa sa pungsod ang alkalde.
Gin-emphasize man sini nga indi lamang arrest order para kay Guo ang wala pa maserbi kundi ang iban pa nga akusado man sang mga krimen.
Apisar sini, ginpahayag ni Escudero nga indi dapat pagbuhinan ang budgets sang PNP kag National Bureau of Investigation bangud kun mag-amu sini, indi na nila makit-an pa ang iban nga ginapangita.
Madumduman nga sa Senate hearing sang Lunes, ginpaandaman ni Senate President Pro Tempore Jinggoy Estrada ang NBI kag PNP nga buhinan ang ila mga budget kun indi nila maaresto si Guo sa sulod sang isa ka bulan.
