Ginpaidalom na sa full alert status sang Philippine National Police (PNP) ang ila bug-os nga pwersa para sa patigayunon nga tatlo ka adlaw nga peaceful rally umpisa subong nga adlaw, Nobyembre 16, 2025.
Suno sa PNP nga SANG Biyernes palang, napangdesignar na nila ang ila kapulisan agud masiguro ang maximum readiness.
May yara naman sang natalana nga i-deploy sa ground pananglitan nga masugod na ang pagprotesta.
Gin-deploy sang ahensya ang police units sa bug-os nga Metro Manila samtang ginmanduan naman ang tanan nga regional offices sa Pilipinas nga mas pasangkaron pa ang security operations sa ila tagsa ka lugar.
Suno sa ahensya nga tinutuyo sang nasambit nga lihok nga mapabilin ang kalinong kag katawhay apisar sang ginalauman nga pagdugok sang mga tawo kag salakyan.
Magluwas sang PNP nakafull alert man ang katapo sang Philippine Coast Guard para sa patigayunon nga peaceful rally.
