Madamo na sang nagakabaton nga impormasyon ang Philippine National Police natuhoy sa lokasyon ni Kingdom of Jesus Christ leader Pastor Apollo Quiboloy kag mga co-accused sini matapos magpagwa sang reward money.
Suno kay PNP PIO acting chief at spokesperson Col. Jean Fajardo, madamo sang nagakabaton nga tawag ang ila hotline matapos ang pagtanyag sang reward money nagikan sa mga pribado nga indibidwal.
Apang suno kay Fajardo, kinahanglan anay nga mag-agi sa validation ang tanan nga impormasyon.
Suno diri, ginatun-an sang PNP nga dugangan pa ang ginpagwa pa nga reward sa makahatag sang impormasyon sa lokasyon ni Quiboloy kag sang mga co-accused sini apang kinahanglan anay nga mag-agi sa proseso kaangay sang auditing, budgetary rules kag guidelines.
Gin-athag naman sang PNP nga nagapabilin sa pungsod si Quiboloy.
