Ginpahayag sang Philippine National Police (PNP) nga magadeploy ini sang masobra 41,000 ka mga pulis sa bilog nga pungsod apisar nga ginpahayag sini nga wala sang pagpamahog nga namonitor so far may kaangtanan sa selebrasyon sang Paskwa.
May yara naman sang discretion ang mga regional directors nga padamuon ang numero sang initial deployment sang mga personnel kun kinahanglanon.
Suno kay PNP spokesperson Police Brigadier General Jean Fajardo, sa Disyembre 15, wala sila sang pahanugutan nga magleave nga mga pulis magluwas lamang sa mga may emergency nga rason.
Ini agud masiguro nga may supisyente nga numero nga madeploy sa holiday season.
Suno kay Fajardo, nagmando si PNP chief General Rommel Marbil sang mas madamo nga police visibility sa mga areas of convergence kaangay sang mga merkado, malls kag transport terminals bangud sa ginalauman nga pagdamo sang mga biyahero.
