Ginpahayag sang Philippine National Police (PNP) nga ila pagatutokan ang pagpangita kay Harry Roque sa Mindanao matapos nga makabaton sang report nga didto nagapanago ang anay presidential spokesperson.
Kahapon, nagconduct sang manhunt operations ang PNP sa Central Luzon kag Calabarzon regions apang napaslawan ang mga ini nga makita si Roque.
Suno kay PNP spokesperson Police Brigadier General Jean Fajardo, una nga semana sang Setyembre namonitor nga yara si Roque sa Mindanao kag bisan ang Bureau of Immigration ang nagpasalig man nga yara lamang ini sa Pilipinas.
Gin-warningan naman sang PNP ang mga tawo nga nagabulig kay Roque nga sila ang mahimo man nga makasohan sang obstruction of justice sa intension nga pagtago sa tawo nga ginapangita sang kapulisan kag iban pa nga law enforcement agencies.
Tubtob sa karun nahimo ni Roque nga makapalagyo sa mga otoridad kag padayon nga aktibo sa social media kun sa diin ini naga-release sang iya statements kag videos
