Ginkumpirmar sang spokesperson sang Negros Occidental Police Provicial Office (NOCPPO) nga nagbisita sa ila headquarters si Lt/Gen. Rodel Sermonia, deputy chief for operations sang Philippine National Police kahapon sang hapon.
Sa interview sang Bombo Radyo Bacolod kay Police Major Rhojn Darrell Nigos, gindayaw ni Sermonia ang performance sang NOCPPO kag Bacolod City Police Office kag nagpanugyan nga padayunon ang ila mga accomplishments.
Suno kay Nigos, naghatag man sang inspirasyon si Sermonia sa mga PNP personnel sa NOCPPO base man sa eksperyensya sini.
Ginhighlight man sang PNP official ang maayo nga pagpamuno ni Police Regional Office 6 Director Brigadier General Sidney Villaflor kasubong man ni Negros Occidental Provicial Director Leo Pamittan.
Liwat man sini ginpahanumdom sa mga kapulisan ang PNP moto nga “TO SERVE AND PROTECT”.
Ginpahayag man ni Nigos nga kabahin man sa ginbilin ni Sermonia nga ginatutukan sang mga kapulisan ang community relations.
