Nagdeploy sang dugang nga pwersa ang Philippine National Police samtang nagapadayon ang operasyon agud arestuhon ang pugante nga si Pastor Apollo Quiboloy.
Suno sa PNP, ang inisyal nga 2,000 ka mga officers nagikan sa Davao Region police ang indi supisyente agud magcover sang 32-hectare Kingdom of Jesus Christ (KOJC) compound sa Davao City kun sa diin ginasuspetsuhan nga nagapanago si Quiboloy.
Ang PNP ang magadugang sang pwersa nagikan sa regional offices sa Northern Mindanao, Soccsksargen kag Caraga.
Suno kay Directorate for Police Community Relations chief kag spokesperson sang Special Task Group Davao Police B/Gen. Roderick Alba, ang pagpangita ang ginalakipan sang nagkalain-lain nga police units.
Liwat naman ini nga nag-apelar sa mga miyembro sang KOJC nga magkooperar bangud indi man sila ukon ang sekta kag pagpati ang ginalagas kundi ang mga persona nga may yara sang existing warrant of arrest nga gin-issue sang isa ka korte.
