Indi magnubo sa 37,740 police officers ang igadeploy sa bilog nga pungsod sa 45,974 public kag private schools para sa pagbukas sang klase sa Hunyo 16.
Ang Philippine National Police ang magatukod sang 5,079 Police Assistance Desks malapit sa school premises agud mag-assist sa mga estudyante, mga manunudlo kag school staff.
Kapin 10,687 officers ang magapatigayon sang mobile patrols samtang 16,366 ang gin-assign nga magpatigayon sang foot patrols sa mga high-density areas kag critical zones.
Suno kay PNP chief Police Gen. Nicolas Torre III, luyag nila masiguro nga makabalik sa eskwelahan ang mga kabataan nga wala sang kahadlok ukon pagpamahog.
Pasalig sini nga ang mga police officers ang makit-an sa kada posibole nga mga area agud maghatag sang proteksyon, giya kag suporta.
