Liwat nga nagpahanumdum ang Philippine National Police sa publiko nga maghalong sa ginatawag vacation scams kun sa diin ang mga scammers ang nagapakuno-kuno nga naga-offer sang cheap accomodations kag legitimate establishments ilabi na kada Holy Week break.
Suno kay Police Colonel Jay Guillermo, chief sang PNP Anti-Cybercrime Group Cyber Response Unit, nauso sa karun ang staycation nga nagapromote sa social media kag online apps gani may yara sang nagasulod diri kag kun kaisa wala nagakanotisyaran nga ini ang nagapang-into lamang.
Sa nasambit nga scam, ang mga biktima ang gina-entice nga magbakal sang accomodations sa tuman kanubo nga presyo kag masami nga ginahingyo nga magpadala sang kwarta sa ginaalegar sales agents agud magreserba sang ila slots.
Apang natukiban sang mga biktima nga wala naga-exist ang ila mga reservations sang sila ang nag-abot na sa ila mga destinasyon.
