Natigayon gid man nga masulod ang balay kun sa diin nagluntad ang shooting incident sa Sitio Ipil-Ipil, Brgy Mambulac, Silay City, Negros Occidental sa mismo adlaw sang eleksyon Mayo 12.
Ini kasunod sang pagpanaog sang search warrant sang korte sang Mayo 22, napulo ka adlaw matapos sang insidente.
Sa interview sang Bombo Radyo Bacolod kay Police Captain Judesses Catalogo, wala na sang iban nga narecover sa area magluwas sa isa ka fired cartridge ukom basiyo sang cal. 45.
Madumduman nga duha ang napatay samtang pito naman ang pilason matapos gintiro ang mga miyembro sang Team Ugyon, grupo ni Mayor Joedith Gallego, nga nagabantay sa gwa sang balay.
Ang mga ini ang yara sa balay nga ginagamit nga meeting place sang Team Asenso, bangod sa gina-alegar lapnayon nga vote buying.
Una na nga nagsungka sa Negros Occidental Police Provincial Office si Punong Barangay Arnie Benedicto sang Brgy Lantad, Silay City samtang may duha ka gina-alegar gunman nga nagpanago sa meeting place sang Team Asenso.
Wala naman masulod ang balay bangod wala ma grant sang korte ang search warrant, tubtob nga nagbiya na lamang ang mga kapulisan sa paggwardiya sa balay bangod may-ara na sang iban pa nga nakita nga lead.
Sang Mayo 22, nagrand gid man ang search warrant apang wala na sang dugang nga recories sa balay.
Sa baylo, may isa lamang ka fired cartridge sa plant box.
Ini ang nagapataas naman sa kamatuoran nga sa sulod sang compound gikan ang gunman.
Ang basiyo ang ipaidalom naman sa ballistic examination.
