BACOLOD CITY — Naka-heightened alert status na ang Police Regional Office (PRO) 6 para sa Oplan Summer Vacation (SumVac) kun sa diin sulod man ang Oplan Semana Santa.
Suno kay Police Supt. Gilbert Gorero, spokesperson sang PRO 6, handa na ang kapulisan sa paghatag sang seguridad sa mga pumuluyo sa Semana Santa kag sa nagahilapit nga summer vacation.
Ini man ang rason suno kay Gorero nga naka-camouflage ukon naka-field service uniforn na ang mga pulis.
Apang ginpahanumdom sini nga indi lang mga pulis ang dapat nga magbantay sa publiko sa sini nga mga tinion kundi dapat lakip ang tanan nga ahensiya sang gobyerno.
Kaangay na lamang sang Philippine Coast Guard, Bureau of Fire Protection, Civil Aviation Authority of the Philippines, Land Transportation Franchising and Regulatory Board, Philippine Red Cross, volunteer kag emergency groups.
Sini nga Semana Santa magapahamtang man ang regional office sang mga police assistance desks kag tourist assistance desks.
