Nakarecord ang Philippine National Police (PNP) sang 41 ka mga validated Election Related Incidents (ERIs).
Ang nasambit nga record ang tatlo ka adlaw antes ang 2025 midterm elections.
Sa data sang PNP, pinakamadamo nga validated election related incidents ang na-record sa BARMM nga may walo ka mga kaso.
Ginsundan ini sang CAR nga may pito naman ka mga kaso.
Yara naman sa 20 ang na-monitor sang Philippine National Police (PNP) nga suspected ERIs kag 24 ang nalista nga non-election related incidents.
Samtang, malapit 3,000 na sa kabilugan ang mga naglapas sa ginapatuman nga gun ban.
Base sa datos, malapit 3, 000 naman diri ang sibilyan, 48 ka mga security guards, 19 ka PNP personnel, 18 ka mga suldado, 13 ka foreign nationals kag iban pa.
Masobra 3, 000 naman ka mga firearms ang nakumpiskar gikan sa nanuhay-tuhay nga mga
police operations.
Padayon nga ginapatuman ang hugot nga gun ban sa pagpanguna sang Philippine National Police kaupod ang Commission on Elections, Armed Forces of the Philippines, kag iban pa nga law enforcement agencies agud masiguro ang malinong kag matawhay nga eleksyon bwas, Lunes, Mayo 12.
