Ginpahayag ni Philippine National Police chief Rommel Marbil nga wala sang security threat para kay Vice President Sara Duterte kag wala sang political pressure agud buhinan ang iya police security.
Suno kay Marbil, wala sila sang may nakit-an nga may pagpamahog sa kabuhi si Duterte kag palangga ini sang mga pumuluyo.
Suno diri, indi lamang si Duterte ang opisyales nga ginbuhinan ang police security.
Suno diri, tanan nga ginpanghuksan nila sang seguridad amu ang mga persona nga wala nila nagakakit-an sang threat nagikan sa iban nga tawo kag kun may yara sang rason ukon panginahanglanon sang seguridad, ila man ini nga igahatag.
Suno kay Marbil, sila ang preparado man nga magbulug kun sila ang hingyuon sang Presidential Security Command (PSC), nga nagabantay sa seguridad sang duha ka pinakamataas nga opisyal sang pungsod.
Sa karun may yara sang 31 ka mga police personnel nga nabilin agud magbantay sang seguridad sang bise-presidente suno kay Marbil kag ginmintinar nga indi ini ang iya choice.
Dugang pa sini nga may yara pa sang 358 ka mga personnel nagikan sa Armed Forces of the Philippines nga nagabantay kay Duterte nga sadto, 106 lamang ka mga personnel para sa bise-presidente bilang augmentation sa PSC.
