Kampante ang Presidential Anti-Organized Crime Commission nga madamo nga numero sang mga Philippine Offshore Gaming Operators ang boluntaryo nga magabiya sa Pilipinas matapos ang mando ni President Ferdinand Marcos Jr. nga i-ban ang POGO.
Sa State of the Nation Address (SONA) ni Marcos sang Lunes, ginmanduan sini ang mga opisyales nga untaton ang operasyon sang tanan nga POGOs matapos ang pressure nagikan sa mga opisyales, mamalidha kag mga pumuluyo bangud sa madamo nga mga krimen nga naangot sa mga ini.
Suno kay PAOCC spokesperson Winston Casio, supisyente lamang ang time frame nga ginhatag ni Marcos.
Suno diri, ang ahensya ang sarang nga makasirado sang isa ka POGO kada duha ka semana kaupod ang Philippine National Police kag National Bureau of Investigation.
Samtang nagapatigayon sila sang nasambit nga mga operasyon, ginpahayag ni Casio nga nagalaom ini nga maghatag sang isa ka “chilling effect” sa nabilin nga mga POGOs gani nagalaom ini nga madamo sa mga ini ang boluntaryo nga magabiya sa pungsod.
