Gin-athag sang station commander sang Bacolod Police Station 3 nga wala gin-abduct ang biktima sa gina-alegar abduction nga natabo sa Barangay Banago, Bacolod City.
Sa interview sang Bombo Radyo Bacolod kay Police Captain Rondyl Tapang, ginakumpirmar sini nga wala sang abduction, wala sang kidnapping kag wala sang nagluntad nga krimen nga imbestigahan bangud ang ginapahayag nga biktima mismo ang nagmanifest nga wala ini gin-abduct kag maayo ang kahimtangan sini.
Suno kay Tapang, personal sini nga ginpadulungan ang balay sang gin-alegar nga gin-abduct kun sa diin naestorya sini ang Lolo sang ginapahayag biktima kag subong nga hapon nakavideo call ang mag-utod kag nakapadala sang litrato bilang pamatuod nga wala man ini gin-abduct.
Mismo ang station commander sang Bacolod Police Station 3 ang nakakita sang litrato nga nagapakita nga maayo ang kahimtangan sang gin-alegar gin-abduct.
Suno sa station commander, ang ginapahayag nga biktima ang wala na naghatag sang dugang nga detalye sa natabo apang ang ginpasiguro sini nga wala ini gin-abduct.
Dugang pa sini nga wala sang dapat nga ikabalaka ang mga pumuluyo bangud ang biktima mismo ang nagkumpirmar nga wala ini gin-abduct.
