Ginakasubo man sang City Director sang Bacolod City Police Office ang natabo nga pagpangluthang.
Madumduman nga patay ang 38 anyos nga barker nga si Mary Jane Co matapos ginluthang sa Purok Lubi, Barangay 3, Bacolod City kaina sang kaagahon.
Sa interview sang Bombo Radyo Bacolod kay BCPO Director Police Col. Joeresty Coronica, nagapati ini nga ang puno kag punta sang krimen amo ang illegal nga droga.
Pahanumdom sini nga wala sang maayo nga padulungan ang pag-engage sa illegal nga aktibidad.
ILabi na nga ang mga engaged sa illegal activities lang man ang nagapinatyanay.
Suno diri, kun may-ara sang madakpan, indi na bag-o nga may kasunod nga shooting incident, bangod nagatudlu-anay ang mga durugista kun sin-o ang nagtimbre sa otoridad.
Panawagan ni Coronica sa mga pumuluyo nga indi mangin passive sa mga illegal nga buluhaton, ini ang ireport bangod kun magduging ang illegal nga droga, magalala man ang krimen sa palibot.
