Opisyal na nga napatigayon subong nga hapon ang pagturn-over ni P/Col. Manuel Placido sang pwesto bilang City Director sa Bacolod City Police Office (BCPO) kay P/Col. Thomas Joseph Martir nga isa ka Bacolodnon.
Ang turn-over ceremony ang ginpatigayon sa BCPO Headquarters.
Madumduman nga si Placido ang nagpungko bilang City Director sa BCPO sadtong Oktubre 1, 2020, ensakto nga isa ka tuig na ang nakaligad.
Sa pihak nga bahin, antes ang assignment sa BCPO si Martir ang una naman nga nangin City Director sa Zamboanga sadtong 2018 tubtob 2020, kag makaligad sang duha ka tuig ini ang ginbutang naman sa Police Security Protection Group.
Madumduman nga si Martir ang nakapungko naman sadto bilang hepe sa Bacolod Police Station 2 kag Police Station 4 kag ini ang nakapangalagad naman sa Negros Occidental Police Provincial Office.
