May bag-o na nga Provincial Director ang Negros Occidental Police Provincial Office (NOCPPO) matapos ginrelieve si Police Col. Romy Palgue bilang kabahin sang reshuffling para sa enhancement kag development sang mga opisyal.
Sa interview sang Bombo Radyo kay Police Regional Office 6 Spokesperson Police Lt. Col. Arnel Solis, ginpahayag sini nga epektibo Enero 8, 2022, ginrelieve si Palgue bilang provincial director kag siya ang ginbuslan ni Police Col. Leo Pamittan.
Suno kay Solis, wala pa sa karun sang assignment si Palgue.
Subong nga adlaw naman patigayunon ang turn-over of command sang headquarters sang Police Regional Office 6.
Suno sa iya, normal lamang ang reshuffling sa mga personnel bangud kabahin ini sang ila enhancement kag development.
Samtang, ginreshuffle man ang mga opisyal sa nagkalain-lain nga police stations sa mga banwa kag ciudad sa probinsya.
Sa San Carlos City, ginbuslan ni Police Lt. Col. Jesus Mesahon Jr. anay head sang Negros Occidental Police Provincial Office (NOCPPO) Provincial Investigation and Detective Management Unit si Police Lt. Col. Arthur Baybayan.
Sa Himamaylan City, ginbuslan ni PLTCOL Reynante Jomocan nga anay hepe sang Provincial Community Affairs and Development Unit si Police Lt. Col. Romeo Vargas.
Sa Victorias City, ginbuslan ni PLTCOL Joseph Fajardo Jr. nga assigned sadto sa Provincial Personnel Holding and Accounting Unit si Police Lt Col. Eduardo Corpuz.
Sa Cauayan ginbuslan ni Police Major Robert Indiape Jr. nga anay hepe sang Calatrava Municipal Police Station si Police Lt Col. Norbert Barniso.
Nagabulos naman bilang Chief of Police sang Calatrava Municipal Police Station si Police Major Joevito Bose nga anay pinuno sang Provincial Learning Doctrine & Development Section sang Negros Occidental Police Provincial Office (NOCPPO).
Sa Hinigaran, si Police Major Jake Barila ang ginbuslan naman ni Police Captain Ryan Villasario nga anay Deputy Chief-of-Police sang Escalante City.
Sa La Carlota City, si Police Lt. Col. Jonel Guadalupe ang ginbuslan ni Police Lt Col Lowell Garinganao nga anay pinuno sang Provincial Police Strategic and Management Unit sang Capiz Provincial Police Office.
Si Police Lt. Col. Guadalupe nagpungko naman nga chief of police sang Sagay City kun sa diin ginbulaslan sini si Police Lt. Col. Albert Sy.
Samtang si Police Lt. Col. Rocky Desear ang nagpungko nga hepe sang Escalante City Police Station bulos kay Police Lt. Col. Gil John Despi nga officer-in-charge sang Cadiz City Police Station.
Gin-assign naman sandauy Police Lt. Col. Corpuz kag Police Lt. Col. Baybayan ang gin-assign sa Provincial Administrative and Resource Management Unit samtang si Police Lt. Col. Sy naman ang gindestino sa Provincial Human Rights Affairs Office.
Si Police Lt. Col. Vargas naman ang gindesignar nga pinuno sang Provincial Investigation and Detection Management Unit kag si Police Major Barila ang bag-o nga head sang Provincial Learning Doctrine and Development Section Chief sang NOCPPO.
