Ginbuyagyag ni Police Lt. Col. Jovie Espenido nga pondo nagikan sa operasyon sang Philippine Offshore Gaming Operators ukon POGO ang ginagamit para sa reward system sa mga police.
Ini matapos gin-ako ni Espenido nga may yara sang quota kag reward system sa war on drugs sang Duterte administration.
Sa pagpamangkot Rep. Migs Nograles kay Espenido, ginpamangkot niya ini kun ang POGO ang may pahanugot kag pagpondo sa reward system nga gina-alegar nagaagi kay Senator Christopher “Bong” Go.
Sabat naman ni Espenido, nga ini ang base sa impormasyo nga iya nabaton nagikan sa ginapahayag Mayor Navarro.
Wala man direkta nga ginaangot ni Espenido si Senator Go sa POGO.
Ginpamangkot man ni Nograles kay Espenido nga kun ang tanan nga mga nagkalatabo ang may yara sang pahanuhot gikan sa mga heads, ginsabat naman ini sang police official nga OO.
Ginbuyagyag man ni Espenido nga nakahibalo ang mga police nga may quota kag may reward system ilabi na kun ang napatay ang yara sa watchlist bisan nga may ginahimo nga legitimate nga buybust operation ukon wala.
