Ginkompirmar sang tagpamaba sang Bacolod City Police Office (BCPO) nga ginrelieve na bilang hepe sang Bacolod City Police Station 4 si Pol. Major Renante Jomocan epektibo kagab-i.
Sa interview sang Bombo Radyo Bacolod kay Pol. Lt. Col. Ariel Pico, ginpahayag sini nga ang pagrelieve kay Jomocan ang wala sang kahilabtanan sa mga shooting incidents nga nagluntad sa Area of Responsibilities sini kundi ginrelieve ini para isaylo sa Iloilo City Police Office bilang Chief of Investigators kun sa diin ginbuslan sini si Police Major Gary Allan Resuma nga iga-assign man sa BCPO.
Ibutang naman nga Officer-in-Charge sa Bacolod Police Station 4 si Police Major Charles Gever.
Dugang pa ni Pico madugay na ini kuntani apang may yara lang sang delay sa promotion ni Jomocan.
Suno kay Pico ang minor reshuffling kag reassignment ang natural lang bangud tanan ang temporaryo lamang nga assignment samtang yara sa serbisyo.
