Wala pa sa karun sang bag-o nga pinuno ang Bacolod Traffic Authority Office matapos ginrelieve si Police Major Ruel Culanag.
Sa interview sang Bombo Radyo kay Bacolod City Police Office (BCPO) Director Police Col. Thomas Joseph Martir, epektibo Enero 7, 2022 ang pagrelieve indi lamang kay Culanag kundi sa iban pa gid nga mga opisyal bilang kabahin sang ila reshuffling.
Ang anay BTAO Head ang igaassign naman sa Iloilo City Police Station.
Sa karun wala pa sang impormasyon si Martir tuhoy sa iban nga mga opisyal nga nalakip sa reshuffling.
Wala pa man sang bag-o nga pinuno sa BTAO kag suno sa iya, sarang lamang nga sibilyan ang makapamuno diri kag indi gid man dapat nga uniformed personnel gid.
Aminado ini nga wala siya nalipay nga igareassign si Culanag bangud nangin maayo man ang nahatag sini nga serbisyo sa BCPO.
