Ginbawian na sang kabuhi ang isa ka police nga biktima sang accidental firing sa Urban Phase 1, Fatima Village, Brgy. Rizal, San Carlos City, Negros Occidental.
Sa interview sang Bombo Radyo Bacolod kay Police Captain Honey Labaro, Deputy Chief of Police sang San Carlos City Police Station, matapos nga aksidente nga nalupkan sang kaugalingon nga armas-luthang si Patrolman Rodolfo Casabuena, gilayon ini nga gindala sa malapit nga balay-bululngan kag gindapatan first aid.
Suno kay Labaro, aga na sang gindala sa ciudad sang Bacolod para sa dugang nga pagbulong bangud sa kalayuon.
Nagrespond man ini samtang yara sa Intensive Care Unit ukon ICU apang ginpa gwa agud nga magpaidalom sa CT Scan kag didto nakita nga may yara sang igo sang bala ang bahin sang ulo sini.
Ginpahayag man sini nga nagkomplikasyon ang ang pilas sang police kag nagpaidalom pa ini sa dialysis bangud nadulaan sang dugo sang naghalin pa ini sa San Carlos City.
Suno kay Labaro, sang Biyernes, gindeklarar nga ang pasyente ang patay na.
Nakahatag naman ang mga ini sang assistance sa pamilya sang nalisdan.
Nagpanugyan man ini nga masami nga paminsaron ang safety gid.
