Napasakaan na sang kaso ang isa ka pulis nga gin-alegar nagpangilkil sa isa ka police applicant sang nakaligad nga Hulyo 11.
Sa interview sang Bombo Radyo kay Police Lt Col. Joem Malong, Public Information Office of the Police Regional Office – Negros Island Region (PIO PRO NIR), ginpahayag sini magapangatubang sang criminal kag administrative case ang nasambit nga pulis.
Suno kay Malong nga wala pa ini nadismiss sa serbisyo kag yara sa disciplinary status samtang nagapadayon ang kaso.
Paathag man sini nga wala sang dapat bayaran sa sa recruitment process sang PNP kag ang pagpasulod sa serbisyo ang ginabase sa kapasidad sang aplikante.
Gani panawagan sini sa mga nangin biktima man sang pagpangilkil nga magreport sa kapulisan agud mahatagan sang tikang.
