Nangin madinalag-on ang police operations sang Negros Occidental Police Provincial Office nakaligad nga semana.
Sa interview sang Bombo Radyo Bacolod kay NOCPPO Spokesperson Police Captain Judesses Catalogo, sa kampanya batok sa illegal nga droga, ang NOCPPO ang nakapatigayon sang 13 ka operasyon, nga nakadakop sang 21 ka mga drug personalities.
Nagdangat naman sa 297 grams ang narecover nga suspected shabu nga may balor P2,091,260.
Samtang sa kampanya batok sa loose firearms sa idalom sang Republic Act 10591, pito ang napatigayon nga operasyon, siyam ang nadakpan nga persona samtang 11 naman ang nakumpiskar.
May apat naman nga ginsurrender nga armas-luthang sa idalom sang programa nga Armas baylo Bugas sang nagkalainlain nga police stations sa Negros Occidental.
Tatlo naman ang natigayon nga naaresto nga most wanted person matapos serbihan sang warrant of arrest samtang may 58 naman nga naaresto nga other wanted persons.
