Ginpahayag sang spokesperson sang Negros Occidental Police Provincial Office (NOCPPO) nga may yara na sang settlement sa tunga sang ginareklamo nga police personnel kag sang taxi driver nga gina-aligar ginkastigo sang police.
Nahibaluan nga ginreklamo ni Roque Tome Jr. 54 anyos, residente sang Prk.Bataan, Brgy.Mailom, syudad sang Bago si Police Staff Sergeant Ferddie Viñas bangud gin-aligar nga ginkastigo siya sang police matapos nga aksidente nga naatrasan sini ang salakyan ni Viñas nga nahamtang malapit sa negosyo sini nga lechonan sa dalan Araneta, Brgy.Singcang Airport syudad sang Bacolod sang Miyerkules sang gab-i.
Manaog kuntani ang biktima agud magpangayo sang pasaylo apang gin-aligar sini nga ginyawyaw sang police kag ginkastigo siya ni Viñas kag nakaagom sang samad sa nagkalain-lain bahin sang iya lawas.
Suno kay Police Lt. Judesess Catalogo, nag-estoryahanay na sa Police Station 8 si Viñas kag Tome para sa settlement.
Samtang ang iban nga kaso ni Viñas nga gin-aligar man nga ginkastigo man sini ang iya empleyado sa lechonan sini ang ginrefer sang station 8 sa Barangay.
Suno kay Catalogo, ginpahibalo man si Viñas sang Bacolod City Police Office (BCPO) nga ini ang may pangatubangon nga kaso sa tion nga i-reklamo ini sa Provincial Internal Affairs Service (PIAS) sa Negros Occidental Police Provincial Office (NOCPPO).
Ginpahayag man sang spokesperson sang NOCPPO nga ginpahayag man ni Viñas nga willing man ini nga atubangon ang kaso.
Suno diri, reckless imprudence resulting to damage to property ang kaso nga mahimo ipasaka sang police batok kay Tome matapos nga maisulan sini ang iya salakyan samtang si Vinias naman ang mangatubang man sang kaso nga alleged physical injury kun magpasaka man sang kaso ang driver sang taxi batok sa police.
Gin-athag man ni Catalogo nga ang kaso lang nga reckless imprudence resulting to damage to property ang may yara sang settlement apang pending pa ang desisyon sa iban nga reklamo batok sa police.
Sa karun, nagapabilin nga nagaduty sa personnel holding and administative service sa NOCPPO si Vinias.
