Yara na sa maayo nga kahimtangan ang isa ka police nga nadestino sa Cauayan Municipal Police Station matapos nga gintiro sang ginapahayag apat ka wala makilal-an nga persona sa Sitio Sitio Capaclan, Barangay Inayawan, banwa sang Cauayan, kahapon sang aga.
Ginkilala ang biktima kay Police Corporal Raffy Serfino.
Sa interview sang Bombo Radyo Bacolod kay Police Lt. Col. Rowell Garinganao, hepe sang Cauayan Municipal Police Station, natabo ang insidente sang kahapon sang aga kag magasakay na kuntani sa iya motorsiklo ang police agud nga magtambong sa iya schedule nga Court hearing sa ciudad sang Kabankalan.
Sang hinali lamang nga may yara sang lupok sang armas nga nabatian gikan sa masiot nga lugar malapit sa iya puluy-an nga gintuna-an sang pilas sa iya mga kamot.
Dugang pa ni Garinganao, nakatigayon man nga makalikaw kag makapalagyo ang police kag makapadulong malapit nga balay-bululngans.
Suno sa hepe nga, narecover sa crime scene ang isa ka deformed slug kag basiyo sang ginasuspetsuhan M16 ukon AK47 nga armas.
Ginapahayag man nga nakabaton man sang pamahog ang biktima nagikan sa makawala nga grupo.
Padayon pa ang imbestigasyon sang mga kapulisan agud matumod ang suspetsado kag ang motibo sa krimen.
