Ginkumpirmar sang spokesperson sang Police Regional Office nga may bag-o na nga acting regional director ang Police Regional Office 6.
Nagpungko na sang Lunes si Police Brigadier General Sidney Villaflor nga Deputy Director for Administration sang Philippine National Police Criminal Investigation and Detection Group (PNP-CIDG) bilang bag-o nga regional director sang PRO 6.
Nagtapos si Villaflor sa Philippine Military Academy (PMA) bilang kabahin sang Tanglaw-Diwa Class 1992.
Si Villaflor ang magabulos kay acting regional director Police Brigadier General Archival Macala.
Sa interview sang Bombo Radyo kay Police Major Mary Grace Borio, ang pagpungko ni Villaflor ang epektibo Mayo 22, 2023.
Suno kay Borio, ang mando ang naghalin mismo kay Philippine National Police Chief Police General Benjamin Acorda, Jr.
Sa pagpungko ni Villaflor, magabalik naman si Macala sa iya daan nga designation bilang Deputy Director for Administration sang Police Regional Office 6.
